სოსისი ცომში გამომცხვარი, პომიდვრის სოუსით

წითელი ბულგარული მოვატაროთ გაზზე მანამ სანამ კანი არ გაუშავდება და დაიწვება. შევახვიოთ ფოლგაში და ღუმელში გამოვაცხოთ 200 გრადუსზე 30 წუთით. როცა გამოცხვება ქაღალდის ხელსახოცით გავასუფთაოთ დამწვარი კანისგან, გავჭრათ და შიდა ნაწილებიც გავასუფთაოთ, გადავიტანოთ ბლენდერში და დავუმატოთ: მთლიანი პომიდვრის კონსერვი, ორეგანო, მარილი, პილპილი, ნიორი და დავაბლენდეროთ სანამ ერთგვაროვან მასას არ მივიღებთ.

სოსისი გადავახვიოთ ფენოვან ცომში, ზემოდან გადავუსვათ კვერცხში გათქვეფილი არაჟანი და 180 გრადუსზე გახურებულ ღუმელში ვაცხოთ 20-25 წუთის განმავლობაში.