შემწვარი სოსისი და პელმენი ბულგარულით

ტერიაკის სოუსისთვის: სოიოს სოუსი, ყავისფერი შაქარი, თაფლი, ჯინჯერის პუდრი, ნივრის პუდრი - მოვათავსოთ ქვაბში და წამოვადუღოთ. ცალკე პატარა ჯამში სახამებელს დავასხათ ცოტა წყალი და დავუმატოთ სოიოს მასას შესასქელებლად.

პატარა სეგმენტებად დაჭრილი სოსისი და პელმენი მოვბრაწოთ კარგად გაცხელებულ სეზამის ზეთიან ტაფაზე, როდესაც დაიბრაწება დავუმატოთ წვრილად დაჭრილი ბულგარულები.

ბულგარულიც რომ მოიშუშება დავუმატოთ ტერიაკის სოუსი და ვშუშოთ სანამ პელმენი არ მოიხარშება. გადავიტანოთ თეფშზე, მოვაყაროთ კიტრის პიკული და სეზამის მარცვლები.